A raíz da visita dunha delegación saharauí a Galicia, o Fondo Galego respondeu ante o agravamento das precarias condicións de vida en que se desenvolve a existencia das persoas refuxiadas acollidas nos campamentos saharauís, mobilizando aos concellos galegos e poñendo a súa conta de emerxencia á disposición dunha campaña para paliar as dificultades en materia de seguridade alimentaria e escaseza…
continuarPara promover a continuidade de asociacións existentes e a constitución de novas asociacións comunitarias, foron financiados microcircuítos locais, desenvolvidos e implementados polas asociacións comunitarias.
continuarConseguiuse a mellora das condicións de vida e o incremento dos ingresos dos pescadores artesanais desta zona de Mauritania mediante a formación no tratamento, manipulación e comercialización do peixe. Por outro lado, para incidir na diminución da taxa de riscos laborais, melloráronse as condicións de navegación e seguridade a bordo das embarcacións.
continuarA posta en marcha dunha cooperativa gráfica foi a meta deste proxecto, que xerou emprego para 30 persoas de forma directa. No ano 2005 desenvolveuse a segunda fase do proxecto, xa iniciado no ano anterior. Nesta segunda fase afondouse en cuestións empresariais para dirixir a cooperativa con éxito.
continuarO proxecto incidiu na reconstrución de 10 vivendas sociais co fin de mellorar as condicións de vida e de habitabilidade en termos de seguridade e hixiene de 10 familias do municipio de Paúl.
continuarA actuación consistiu na dotación dos programas informáticos ArcView -que posibilitaron o manexo da base de datos cartográficos xa existente-, capacitación técnica instrumental das municipalidades e das entidades encargadas da xestión do territorio no arquipélago, así como afondamento nas fases de descentralización e asunción de competencias.
continuarA través deste proxecto, e en aras da procura do desenvolvemento local, promoveuse a consolidación dunha cooperativa, ao tempo que se construíu un edificio para servir de almacén de mercancías e dúas pequenas tendas para vender in situ os produtos a distribuír.
continuarA través deste proxecto, á Cámara Municipal de São Vicente puido contar cun camión adaptado para contribuír ás tarefas de saneamento, evitando a obstrución de desaugues e a aparición de perdas residuais que puideran repercutir negativamente no medio ambiente e na saúde das persoas.
continuarA través do proxecto construíuse unha ponte para facilitar o desprazamento das e dos habitantes cara a cidade para poder acceder a un mellor mercado laboral e evitar así actividades ilícitas, ter mellor acceso á sanidade, á alimentación, á escolarización e demais servizos.
continuar