A Comisión Executiva é o órgano de goberno do Fondo Galego de Cooperación e Solidariedade. É un órgano de decisión permanente cuxa pluralidade reflicte a filosofía de consenso coa que naceu a asociación. Está integrada por nove membros, que exercen a representación política do seu concello ou deputación. Ao igual que o Fondo Galego, a Comisión Executiva é transpartidaria e réxese polo obxectivo compartido de traballar a prol dunha cooperación internacional de calidade e da promoción dos Dereitos Humanos.
A Comisión Executiva renóvase cada catro anos, tras as eleccións municipais, e a súa composición, proposta polo equipo saínte, debe ser aprobada pola Asemblea Xeral de entidades socias. Na súa configuración non se busca só a diversidade partidaria, senón tamén a presenza das deputacións e de concellos das catro provincias, de distintos tamaños e mais da costa e do interior, así como a paridade de xénero. O órgano reúnese aproximadamente unha vez ao mes e en todas as súas decisións procura a unanimidade, de xeito que o espírito de consenso é parte da natureza do Fondo Galego.
Vogalía
Margarita Figueroa Vázquez
Concelleira de Participación Cidadá, Cooperación e Recursos Humanos de Oleiros
Vogalía
María Rozas Pérez
Concelleira de Dereitos e Servizos Sociais, Promoción Económica e Xuventude de Santiago de Compostela
