Proxectos

A cooperación desenvolvida polo Fondo Galego entra dentro da categoría de cooperación descentralizada, que é a que realizan os distintos niveis administrativos diferentes ao goberno central. Neste marco, o Fondo Galego impulsa proxectos de cooperación municipalista, establecidos desde as administracións locais galegas e destinados, de maneira prioritaria, ás administracións locais ou rexionais dos países cos que se coopera. Trátase, por tanto, de relacións entre homólogos, baseadas na reciprocidade, no intercambio de coñecemento e no interese mutuo.

Os diferentes proxectos de cooperación municipalista, complementan actualmente o V Plan Director da Cooperación Galega e fundaméntanse no cumprimento dos Obxectivos do Desenvolvemento Sostible, marcados pola ONU no ano 2015.