Axuda humanitaria

A axuda humanitaria é a asistencia levada a cabo para salvar vidas, aliviar o sufrimento e manter e protexer a dignidade humana, en prevención ou en situacións de emerxencia ou rehabilitación. De acordo con Nacións Unidas, a axuda humanitaria debe guiarse polos principios de humanidade, imparcialidade, independencia e neutralidade. Dentro da axuda humanitaria distinguimos tres categorías: axuda de emerxencia, axuda á reconstrución ou rehabilitación e prevención de desastres.

O Fondo Galego impulsa proxectos de axuda humanitaria a través de parceiros locais dos países afectados, a través de entidades galegas especializadas ou ben a través de organizacións internacionais, principalmente mediante a modalidade de axuda de emerxencia.