Económico

A cota anual é una cantidade fixa que corresponde ao 0,01% dos ingresos correntes. Para as entidades que xa eran socias a 28/10/21, tivéronse en conta os últimos datos publicados polo Ministerio de Facenda ata esa data. Para as novas entidades socias, tomarase como referencia o último exercicio dispoñible.

Aquelas entidades socias que, a 28/10/21, estaban ingresando unha cota superior ao 0,01% mantiveron a contía que estaban achegando nesa data.

No entanto, cómpre ter en conta que:

• O horizonte é chegar ao 0,7% que marca a ONU, polo que se prevé propoñer revisións periódicas da porcentaxe a aplicar, para o que se procurará o consenso das entidades socias.
• O desafío sería conseguir no ano 2030 unha achega municipal do 0,1% sobre os ingresos correntes á cooperación para o desenvolvemento.

Así mesmo, prevense determinadas medidas encamiñadas a facilitar e fomentar o esforzo económico das entidades socias no pagamento das cotas:

• Posibilidade de fragmentar o incremento da cota resultante, cando o houbera, en dúas ou tres anualidades, de xeito que a entidade poida ir incrementando progresivamente o orzamento destinado cota ao Fondo Galego.
• Posibilidade de solicitar a revisión voluntaria da cota dun concello/deputación cando se produza unha mingua ou incremento dos ingresos correntes nunha anualidade na que non que non está previsto levar a cabo a actualización dos datos económicos para o cálculo das cotas.
• En todo caso, este sería un sistema de cotas mínimas, polo que nada impediría que unha entidade socia puidera achegar unha cantidade superior en concepto de cota social.