#OsMunicipiosCooperan
A pandemia do COVID-19 xerou unha grave situación ante a que a cooperación internacional realizada polas administracións locais corre o risco de repregarse. Para evitalo, o Fondo Galego artellou a campaña #OsMunicipiosCooperan, co fin de concienciar sobre a contribución das deputacións e concellos socios á superación desta crise a nivel global, evitando que o seu compromiso diminúa cando precisamente é máis necesario. A campaña baséase en vídeos curtos protagonizados por persoal político e técnico das administracións locais, así como polos nosos parceiros nos países empobrecidos. Os audiovisuais móvense en Facebook e Twitter baixo o hashtag #OsMunicipiosCooperan, que tamén poden empregar todas as persoas e entidades que queiran unirse a ela publicando os seus propios posts. A estratexia inclúe tamén outras accións como cuñas de radio, cartelería, un pronunciamento estatal, artigos en prensa, etc.
Vídeos: www.facebook.com/pg/FondoGalego/videos/
Cuña de radio:
