Proxectos

A cooperación desenvolvida polo Fondo Galego entra dentro da categoría de cooperación descentralizada, que é a que realizan os distintos niveis administrativos diferentes ao goberno central. Así mesmo, dentro desta, a cooperación do Fondo Galego é municipalista, o que significa que se establece desde as administracións locais galegas para, prioritariamente, destinala ás administracións locais ou rexionais dos países cos que cooperamos. Trátase, por tanto, de relacións entre homólogos, con reciprocidade e interese mutuo.

As accións impulsadas complementan actualmente o IV Plan Director da Cooperación Galega e fundaméntanse no cumprimento dos Obxectivos do Desenvolvemento Sostible, marcados pola ONU no ano 2015.