A iniciativa contribuíu a mellorar as capacidades da veciñanza da Habana Vieja para a prevención de desastres facilitando a posta en marcha dun Centro de Interpretación da Meteoroloxía no antigo convento de Belén, á vez que se contribuíu a recuperar un Ben de Interese Cultural. A actuación financiada centrouse na torre do que fora un importante observatorio e que a posteriori se reconverterá nun museo para concienciar á poboación cubana sobre as tormentas tropicais e furacáns que lles afectan periodicamente, co fin de reducir a vulnerabilidade fronte a estes fenómenos, á vez que suporá un incentivo para o turismo e permitirá crear novos postos de traballo. En concreto, a intervención permitiu rehabilitar a escaleira central, elemento de articulación entre as diferentes zonas que tamén se empregará como espazo museístico, instalando ademais sistemas de protección, iluminación e paneis gráficos.