Promover o crecemento económico inclusivo e sustentable, o emprego e o traballo decente para todas as persoas.
A creación de empregos de calidade constitúe un grande desafío para case todos os países, pola falta de emprego ou ben porque ter un traballo non sempre permite saír da pobreza. Cómpre crear oportunidades laborais con condicións decentes e estimular a economía sen fomentar as desigualdades nin prexudicar o medio ambiente, así como poñer fin ao traballo infantil e á explotación.
![Obxectivos de Desenvolvemento Sostible [8] Traballo decente e crecemento económico](https://fondogalego.gal/wp-content/uploads/fondogalego-odm-8-traballo-decente-e-crecemento-economico-500x500.png)
Co fin de impulsar un desenvolvemento integral, autoxestionado e sostibe, a través do proxecto formouse a mozos e mozas en xestión técnica agropecuaria.
continuarEsta iniciativa tivo por obxectivo, alén de fortalecer novos mecanismos de emprego e xestión turística, fortalecer a identidade cultural da poboación local, así como impulsar as organizacións locais, as agrupacións xuvenís e artesás. O proxecto consistiu na realización de actividades de promoción do programa e recadación de fondos, capacitación a guías, obradoiros de capacitación aos membros da rede, escola de…
continuarA través do proxecto mellorouse a calidade de vida da poboación de Sucre, en Bolivia, mediante a creación da escola de auxiliares de enfermería, con capacidade para 80 alumnas e alumnos que carecían de posibilidades para continuar os seus estudos. Deste xeito, e nun período de dous anos, esta mocidade podería integrarse no mercado laboral cunha formación no sector.
continuarEste proxecto formativo tivo como meta a capacitación xuvenil en eidos con especial demanda para compensar a falta de man de obra local cualificada.
continuarContribuíuse con este proxecto á autosostibilidade da mocidade grazas á formación profesional de 130 mozas e mozos en artesanía, danza, asociacionismo, manutención e informática.
continuarConseguiuse a mellora das condicións de vida e o incremento dos ingresos dos pescadores artesanais desta zona de Mauritania mediante a formación no tratamento, manipulación e comercialización do peixe. Por outro lado, para incidir na diminución da taxa de riscos laborais, melloráronse as condicións de navegación e seguridade a bordo das embarcacións.
continuarCo obxecto de mellorar a calidade de vida da mocidade rural, realizáronse unha serie de programas de formación técnica e do ciclo básico de secundaria. Estas aprendizaxes foron útiles para promover o desenvolvemento integral, autoxestionado e sostible desta zona rural nicaraguana, que ten no agro o seu modo de subsistencia.
continuarAs accións previstas polo proxecto incluíron un plan de capacitación de líderes comunitarios e o fortalecemento das organizacións produtivas na súa constitución, xestión e funcionamento, para o acceso e ingreso dos grupos de mulleres de Río Esteban e Río Coco.
continuarA posta en marcha dunha cooperativa gráfica foi a meta deste proxecto, que xerou emprego para 30 persoas de forma directa. No ano 2005 desenvolveuse a segunda fase do proxecto, xa iniciado no ano anterior. Nesta segunda fase afondouse en cuestións empresariais para dirixir a cooperativa con éxito.
continuarO proxecto fixo fincapé na formación de mozas e mozos en xastraría e serigrafía para aumentar as oportunidades de inserción no mercado laboral, ofrecéndose unha alternativa á delincuencia que asolaba ao país. Neste senso, realizáronse cursos de formación e rehabilitáronse dúas infraestruturas comunais para poder impartir as aulas.
continuar