A través deste proxecto, mellorouse a saúde das persoas que viven nas contornas dos hospitais Santa Ana de Quillabamba e Santa Rosa de Puerto Maldonado. Ambos os dous hospitais son referencia para unhas 80.000 persoas cada un. Dous equipos de Solidariedade Galega, un cirúrxico e radiolóxico e outro pediátrico e oftalmolóxico, viaxaron a estes hospitais nos meses de outubro e novembro do ano 2002. Realizáronse en total 1.461 consultas e a ONGD proporcionou de xeito gratuíto a todas e todos os pacientes intervidos o tratamento médico-cirúrxico e medicación correspondentes.