Unha alumna do Mestrado en Cooperación Internacional da USC remata as prácticas en Cabo Verde da man do Fondo Galego

Unha alumna do Mestrado en Cooperación Internacional da USC remata as prácticas en Cabo Verde da man do Fondo Galego

Unha alumna do Mestrado en Cooperación Internacional da USC remata as prácticas en Cabo Verde da man do Fondo Galego 640 480 Fondo Galego de Cooperación e Solidariedade

Unha alumna do Mestrado en Xestión da Cooperación Internacional e das ONGs atópase na actualidade en Cabo Verde rematando o período práctico do curso. Susana Maceiras pasou dous meses de prácticas no Instituto Galego de Análise e Documentación Internacional (IGADI), que asume a Secretaría Técnica do Fondo Galego, e pasará un terceiro mes sobre o terreo no arquipélago africano.

Susana Maceiras, que xa coñecía o traballo do Fondo Galego, decidiuse por esta entidade porque “a súa filosofía sobre cómo entender e aplicar a cooperación para o desenvolvemento é a máis axeitada”. Asegura tamén que as prácticas na Secretaría Técnica lle permitiron achegarse ao contexto mundial a través de varias vías: colaborando na revisión e realización de proxectos de cooperación, botando unha man coas accións de sensibilización e participando da investigación e o estudo da realidade internacional. “Ademais, deume a oportunidade de viaxar ata o terreo e ter unha perspectiva máis achegada ao que alí acontece”, engade.

A estudante estará ata comezos de outubro na illa caboverdiana do Maio, colaborando na supervisión de dous dos proxectos promovidos polo Fondo Galego en parcería coa Câmara Municipal. Trátase da edificación e dinamización dun centro comunitario para as vilas de Alcatraz e Pilão Cão, e mais da construción de 60 cuartos de baño en vivendas das localidades de Figueira e Ribeira Don João. Ademais, acompañará o proceso de identificación e formulación de proxectos que a Câmara presentará ao Fondo Galego con intención de conseguir apoio para o ano próximo. Tamén participará, desde o terreo, na difusión dos proxectos en Galicia, grazas ás novas tecnoloxías.

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información