Rematan os obradoiros con Agareso para formar en valores a través da radio e a música

Rematan os obradoiros con Agareso para formar en valores a través da radio e a música

Rematan os obradoiros con Agareso para formar en valores a través da radio e a música 800 600 Fondo Galego de Cooperación e Solidariedade
 
Formar en valores a través da radio e a música era o obxectivo dos obradoiros realizados en dez concellos socios do Fondo Galego de Cooperación e Solidariedade. Seis integrantes da Asociación Galega de Reporteiros Solidarios (Agareso) impartiron entre o 10 de outubro e o 10 de xaneiro esta actividade de sensibilización, que contou co financiamento da Xunta de Galicia. Os Dereitos Humanos e os Obxectivos do Milenio foron algunhas das temáticas abordadas nos programas realizados con rapazada, maiores ou persoas con discapacidade, que ao tempo traballaron as habilidades de participación a través da comunicación para o desenvolvemento.

A actividade estreouse na Estrada cun grupo persoas adultas con discapacidade intelectual nas instalacións da Asociación Galega das Artes. Asistentes aos talleres ocupacionais e artísticos que desenvolve o Concello no centro escola Togariños gravaron un faladoiro onde debaten sobre a igualdade de xénero e a utilidade da arteterapia

Rematan os obradoiros con Agareso para formar en valores a través da radio e a músicaEscoita o faladoiro sobre igualdade e arteterapia

Usuarias e usuarios da asociación Ambar das persoas con diversidade funcional acudiron a outro dos obradoiros impartidos por Agareso. Perante os micrófonos de Radio Boiro, reflexionaron sobre a discapacidade no mundo.

Escoita as reflexións sobre a discapacidade

Rematan os obradoiros con Agareso para formar en valores a través da radio e a música

'Ribeira nas ondas' é o título do espazo realizado no Porriño cun grupo de estudantes de 1º da ESO do CPI da Ribeira, en Torneiros, que reflexionaron sobre o dereito á educación e o ODM 2: acadar o ensino primario universal. As e os asistentes mesmo entrevistaron a orientadora do centro, Eloísa Teijeira, con quen trataron cuestións coma o absentismo escolar.

Rematan os obradoiros con Agareso para formar en valores a través da radio e a música
Escoita 'Ribeira nas ondas'

En Redondela, o obradoiro radiofónico realizouse no IES Mendiño, en Cesantes. O programa final gravouse nas instalacións da radio municipal baixo o título 'Xuntos podemos' coincidindo co 25 de novembro, Día internacional para a erradicación da violencia contra as mulleres. A violencia de xénero, pero tamén o racismo ou a pobreza, no Norte e no Sur, centraron o labor do alumnado.

Escoita 'Xuntos podemos'

Rematan os obradoiros con Agareso para formar en valores a través da radio e a músicaRapazas e rapaces de dez anos traballaron en Oleiros arredor do ODM 7: garantir a sostibilidade do medio ambiente. Despois das sesións más teóricas, o grupo gravou unha píldora na que saudaron aos oíntes e explicaron os motivos polos que estaban no obradorio. Tamén prepararon cuñas promocionais e un microespazo onde vincularon cada un dos Obxectivos do Milenio a unha canción.

Escoita as presentacións
Escoita a cuña a prol do medio ambiente
Escoita o microespazo musical sobre os ODM


Rematan os obradoiros con Agareso para formar en valores a través da radio e a músicaO obradoiro impartido no Concello de Abegondo tivo como tema principal o ODM 4: reducir a mortalidade infantil. Alumnado do IES de Viós traballou tanto sobre esta cuestión como sobre a Declaración Universal dos Dereitos dos Nenos e das Nenas. As e os estudantes prepararon o guión e gravaron un programa que deron en chamar 'Para poder medrar'.

Escoita 'Para poder medrar'

 
Rematan os obradoiros con Agareso para formar en valores a través da radio e a música
'Sombras que xa son esperanzas' foi o título elixido para o espazo radiofónico realizado no centro sociocultural Uxío Novoneyra de Lugo por un grupo de mulleres, tanto da cidade como doutras autonomías e mesmo de países latinoamericanos. As participantes presentaron o ODM 3: promover a igualdade entre os xéneros e o empoderamento da muller. Tras entrevistar á concelleira de Benestar, Ana Abelleira, e á presidenta da asociación Enriqueta Otero, Aurora Antúnez, o programa pechouse cun apartado musical.

Escoita 'Sombras que xa son esperanzas'

 
Rematan os obradoiros con Agareso para formar en valores a través da radio e a músicaUsuarias e usuarios da Asociación Pro Enfermos Mentais (APEM) protagonizaron a actividade no Concello de Cambre, coa sanidade comunitaria como tema a tratar. As e os asistentes traballaron sobre diferentes documentos para crear 'O círculo de APEM', un faladoiro no que se expresan a súa opinión sobre diferentes aspectos relacionados coa enfermidade mental.

Escoita 'O círculo de APEM'

Rematan os obradoiros con Agareso para formar en valores a través da radio e a músicaPersoas con discapacidade intelectual da asociación Puzzle e maiores que habitualmente colaboran en Radio Allariz acudiron ao obradoiro impartido na vila ourensá. O resultado foi 'Puzzle na Ziralla', unha mestura dos dous programas que cadanseu colectivo realiza na emisora local. A migración, con experiencias vividas en primeira persoa, foi a temática central do espazo, aínda que tamén se abordaron outras cuestións sociais a través de entrevistas, música, poemas, gastronomía, etc.

Escoita 'Puzzle na Ziralla'


Rematan os obradoiros con Agareso para formar en valores a través da radio e a músicaOs obradoiros de radio para a formación en valores do Fondo Galego e Agareso pecháronse no Concello de Sada. Estudantes do IES Isaac Díaz Pardo traballaron o ODM 3: promover a igualdade entre os xéneros e o empoderamento da muller. Durante o obradoiro xerouse un debate en entorno a este tema e analizouse a importancia da música na transmisión de valores machistas ou de igualdade. O grupo gravou unha píldora publicitaria sobre a existencia dun medicamento que cura o machismo e tamén recolleu nun microespazo as cancións máis representativas do homismo e aquelas que son abandeiradas na loita pola defensa da igualdade.

Escoita a cuña contra o machismo
Escoita o microespazo musical sobre o ODM 3
 

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información