ODS 6: Auga limpa e saneamento

A través deste programa mellorouse o acceso á auga das familias residentes no barrio de Ponta d’Agua, na cidade de Praia, a través da conexión domiciliaria das casas a partir da rede de abastecemento existente.

A través desta iniciativa dotouse á comunidade de Flamingos dunha rede domiciliaria de auga, mais tamén se mellorou o sistema de saneamento básico e hixiene, contribuíndo deste xeito á redución da pobreza na localidade.

Como resultados do proxecto, nunha primeira fase construíronse un depósito de auga e unha fonte pública comunitaria, que posteriormente se complementaron coa extensión da rede de abastecemento de auga á poboación.

A través deste proxecto, á Cámara Municipal de São Vicente puido contar cun camión adaptado para contribuír ás tarefas de saneamento, evitando a obstrución de desaugues e a aparición de perdas residuais que puideran repercutir negativamente no medio ambiente e na saúde das persoas.

O proxecto desenvolveuse en dous barrios do municipio de São Vicente, onde o 80% da poboación non contaba con servizos públicos, entre eles o acceso domiciliario á auga. En anos anteriores, o goberno municipal encargouse de construír a primeira fase da rede de abastecemento de auga nestas dúas zonas que acollen a persoas en situación de pobreza, polo que só…