O Concello da Laracha incorpórase ao Fondo Galego de Cooperación e suma o socio número 100

O Concello da Laracha incorpórase ao Fondo Galego de Cooperación e suma o socio número 100

O Concello da Laracha incorpórase ao Fondo Galego de Cooperación e suma o socio número 100 1500 1035 Fondo Galego de Cooperación e Solidariedade

O Concello da Laracha vén de sumarse ao Fondo Galego de Cooperación e Solidariedade, a rede que concentra os esforzos das entidades locais galegas en materia de cooperación internacional para o desenvolvemento. A Laracha convértese así no socio número 100 do Fondo Galego, que pasa a estar conformado por 96 Concellos e as catro Deputacións.

O pleno da Corporación adoptou por unanimidade o acordo de adhesión o pasado 18 de abril. O Concello da Laracha comprométese así a realizar unha achega anual para colaborar nas iniciativas impulsadas dende o Fondo Galego de Cooperación. Deste xeito, o municipio poderá participar nas actividades que se promoven para fomentar a solidariedade (exposicións, teatro, contacontos, palestras, unidades didácticas…) e ao tempo participará no cofinanciamento de diversos proxectos en países do Sur. Neste 2011, apoiaranse novos proxectos de cooperación en Cabo Verde, Nicaragua e Haití.

José Manuel López Varela: “As administracións debemos dar exemplo”

O Alcalde do Concello da Laracha, José Manuel López Varela, considera que coa adhesión ao Fondo Galego de Cooperación e Solidariedade o municipio que dirixe está dando “o exemplo que as administracións debemos dar, posibilitando ademais que os nosos veciños se vexan tamén representados coa nosa aportación, porque a bo seguro que na Laracha hai moita xente que estaría interesada en colaborar, pero non pode facelo por carecer de recursos económicos nunha época de crise como a actual”.

Para López Varela o labor do Fondo Galego de Cooperación e Solidariedade é “digno de admiración”, dado que a súa función consiste en “reforzar aspectos como a educación, a sanidade, a alimentación, a prestación dos servizos básicos ou saneamento da auga nas zonas máis desfavorecidas, mellorando as condicións de vida de moitas persoas e incluso salvando vidas”. Por iso anima “a que todos os concellos que teñan a posibilidade de facelo se unan ao Fondo, porque aínda que sexa con aportacións pequenas, entre todos podemos alcanzar grandes obxectivos”.

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información