Formación sobre xestión económica no marco da Confederación de Fondos

Formación sobre xestión económica no marco da Confederación de Fondos

Formación sobre xestión económica no marco da Confederación de Fondos 1199 676 Fondo Galego de Cooperación e Solidariedade

O Fondo Galego de Cooperación e Solidariedade participou esta semana en Eivissa nunha xornada de formación en materia económica organizada pola Confederación de Fondos de Cooperación y Solidariedad, rede estatal na que a entidade galega exerce a Presidencia.

Persoal técnico do Fondo Galego trasladouse o 22 de outubro á illa balear para participar nun encontro arredor da xestión económica e financeira da cooperación descentralizada, que tiña como obxetivo compartir aprendizaxes e mellorar a xestión interna de cada un dos fondos que forman parte da Confederación, fortalecendo así o rigor técnico, a transparencia e a participación dos socios.

Durante a xornada, cada un dos fondos participantes socializaron os seus sistemas de xestión na área de economía e finanzas. Ademais, contouse cun relatorio a cargo de Rafael García Maties, presidente de Municipalistas por la Solidariedad y el Fortalecimiento Institucional (Musol), na que se expuxeron as novidades normativas aplicables ás políticas de cooperación internacional, principalmente a respecto das incidencias nos procedementos de xustificación de subvencións. Cara o remate da sesión, as e os xerentes dos distintos fondos mantiveron unha xuntanza na que se traballou o plan conxunto da Confederación para o próximo ano.

A Confederación de Fondos de Cooperación e Solidariedade é un marco de coordinación e representación conxunta naquelas temáticas que, pola súa importancia, afectan aos intereses comúns dos diferentes Fondos de Cooperación e Solidariedade existentes no estado español.

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información