A poboación da Rexión de Cacheu, a semellanza do que foi acontecendo no mundo en xeral, foi castigada polos efectos nefastos da pandemia da COVID 19, sendo a segunda Rexión Administrativa Sanitaria da Guinea-Bissau con máis casos de persoas afectadas polo COVID 19 e con gran posibilidade de maior propagación de virus, tendo en conta o índice de analfabetismo e a pobreza. O Goberno Rexional de Cacheu, en pracería coas autoridades sanitarias rexionais e outros socios, desenvolveu accións no terreo con vista á contención da propagación da pandemia do COVID 19 e a minimización dos efectos negativos desta, elixindo a sensibilización e o combate contra a fame como maior prioridade. Polo tanto, foron desenvolvidas dúas actividades principais no ámbito deste proxecto: Sensibilización da poboación sobre os perigos e os mecanismos de prevención do Covid-19, a través da identificación e formación de voluntariado a través do Centro Operacional de Emerxencia en Saúde, colocación do voluntariado formado nas comunidades e implicación das radios comunitarias nas campañas de sensibilización. Así mesmo, foron identificadas familias en situación de vulnerabilidade, adquisición, transporte e distribución de materiais de prevención e xéneros alimenticios para as persoas de maior risco. Máis de 40.000 persoas foron beneficiarias deste proxecto.