Esta intervención trata de contribuír ao exercicio dos dereitos básicos de educación e saúde de nenos e nenas menores de 6 anos de idade así coma mulleres nas comunidades de Massaca, Mahanhane, Mahelane e Changalane, unha área rural no sur de Mozambique onde a agricultura de subsistencia constitúe a principal actividade das familias. Ao longo destes anos, a Fundação Encontro  foi construíndo un centro infantil en cada unha das comunidades para contribuír á integración educativa e social dos meniños e meniñas das mesmas e, indirectamente, apoiar as súas familias. Estes centros ofrecen asistencia educativa e apoio alimentario, así como atención sanitaria. 

A través deste proxecto ofreceuse  apoio para o funcionamento destes centros infantís e para mellorar os servizos da Unidade Sanitaria, construíndo un espazo autónomo para a prestación de servizos de saúde materno infantil.