Este módulo, que complementa ao resto de intervencións do programa de empoderamento feminino, tiña como finalidade contribuír ao aumento da participación social e política das mulleres na cidade india de Tiruchy, no estado de Támil Nadu. O proxecto levouse a cabo en 15 suburbios desta cidade.

A través da metodoloxía que emprega Implicadas no Desenvolvemento nos seus proxectos, os grupos de axuda mutua (tamén chamados grupos de aforro), traballouse a autoestima das 1.500 mulleres integrantes dos mesmos, ademais de ser unha ferramenta indiscutible para a acadar o seu empoderamento económico e social. Outras actividades complementarias incidiron na redución das barreiras da participación social e política das mulleres, promovendo un entorno de maior equidade de xénero, e no incremento da información e formación das mulleres sobre o marco político.