O proxecto “Deporte e empoderamento en Nhamayabue” xorde da experiencia previa da entidade a través do programa de cooperación técnica Especialistas en Cooperar, a través do que Néstor Romero, técnico de deportes de Lousame e veciño de Noia, realizou dúas estadías na vila, nos anos 2022 e 2023, para ofrecer asistencias técnicas relacionadas co deporte no municipio mozambicano como ferramenta para o cambio social. 

A actividade para este 2024 foi a de mercar materiais deportivos para as catro escolas municipais, os tres equipos deportivos locais e para as comunidades do municipio.