No marco do programa “Novos modelos de xestión municipal democráticos”, no que participaron outros Fondos de Cooperación a nivel estatal integrados na Confederación de Fondos, a achega do Fondo Galego destinouse á construción desta infraestrutura elemental, que permitiu acadar unha mellora substancial na organización e desenvolvemento das vidas e economías de varias comunidades, fisicamente distanciadas, así como solucionar problemas relativos á saúde, educación, agricultura e coidado medioambiental, evitando factores de risco. O proxecto foi deseñado coa participación da comunidade.