O proxecto beneficiou a 60 nenas e nenos de 4 anos da Institución Educativa Rosa de América Nº 6080, de Villa El Salvador, abríndolles a oportunidade de acceder ao nivel inicial de educación e facilitando, así, a permanencia e un progreso adecuado no sistema educativo. Tamén incluíu a 15 docentes do nivel inicial. A iniciativa formaba parte da proposta de desenvolvemento integral que Tierra de Niños viña executando no distrito de Villa El Salvador desde o ano 2002. Xurdiu tras a constatación de altos índices de repetición e deserción escolar de alumnado do nivel primario, que tiñan como causa fundamental a incorrecta atención recibida na educación inicial. Na práctica, levouse a cabo a construción dunha aula e servizos hixiénicos para o nivel inicial e actividades de capacitación para as e os 15 docentes do nivel inicial.