O 26 de decembro de 2004 un tsunami levou a vida de máis de 30.000 persoas e desprazou a 500.000 no Sueste Asiático. Doce dos 25 distritos de Sri Lanka foron severamente castigados. A destrución que produciu o tsunami empeorou a xa existente situación de pobreza e incrementou a vulnerabilidade dunha grande proporción dos segmentos máis pobres da poboación. Por tanto, o proxecto procurou mellorar a calidade de vida dalgúns dos grupos máis vulnerables das áreas seleccionadas (viúvas, familias monoparentais, xente nova desempregada) grazas á oferta de servizos sociais comunitarios, centrándose en particular nas nais e na infancia, así como en actividades dirixidas á mocidade desempregada con familia. As actividades implementáronse en 9 centros de desenvolvemento comunitario que foron reconstruídos despois do tsunami.