Á carencia dos produtos alimenticios máis básicos e a insuficiencia da ración programada, ademais dos recortes das participacións dos doantes das axudas destinadas á poboación refuxiada saharauí, engadiuse a pandemia da Covid-19, que agravou máis a situación xa existente nos campamentos de persoas refuxiadas saharauís. Os alimentos mercáronse en Galicia e foron levados nos vehículos doados por diferentes administracións públicas. O 31 de marzo saíron en grúa ata Alacante os vehículos doados, con alimentación, medicinas, roupa deportiva, etc., e alí embarcaron cara Orán (Alxeria), onde foron recollidos por condutores saharauís e levados por estrada ata os campamentos de Tinduf. A súa chegada, todos os vehículos e a carga que portaban foron entregados ás autoridades saharauís para que realizaran a súa distribución.