A situación prolongada das persoas refuxiadas saharauís volveuse máis fráxil que nunca no mes de marzo de 2022, como resultado dos terribles efectos causados pola pandemia da Covid e a nova onda de desprazamento de miles de civís causada pola continuación da guerra entre as dúas partes en conflito no Sáhara Occidental: Marrocos e a Fronte Polisario. Ademais disto, a incapacidade do Programa Mundial de Alimentos, que non foi quen de cubrir as cotas alimentarias debido á falta de financiamento e a subida dos prezos de produtos de base no mercado internacional, derivou na diminución do volume das racións alimentarias mensuais proporcionadas ás persoas refuxiadas en máis do 50%, especialmente durante os meses de novembro de 2021 e marzo de 2022. Esta situación obtivo como resposta a colaboración da Mancomunidade do Val Miñor, canalizada a través do Fondo Galego de Cooperación e Solidariedade, que achegou unha axuda para a compra dos seguintes produtos: 10 toneladas de arroz, 5 toneladas de lentellas e 2.605 quilos de azucre.