Incrementar a educación e a capacitación da poboación feminina era o obxectivo deste proxecto, a través do que se ampliou o centro formativo existente para facilitar o acceso á educación das mozas da provincia de Yamparáez (Bolivia) e reducir así as taxas de analfabetismo feminino. Ao tempo, construíuse unha residencia para acoller a 66 rapazas con maiores dificultades para acceder á educación. A residencia, unha vez concluída, é sostida polo parceiro local.