Amigos da Terra fomenta en Manzaneda o coidado ambiental cun obradoiro de compostaxe

Amigos da Terra fomenta en Manzaneda o coidado ambiental cun obradoiro de compostaxe

Amigos da Terra fomenta en Manzaneda o coidado ambiental cun obradoiro de compostaxe 1199 899 Fondo Galego de Cooperación e Solidariedade

A ONGD Amigos da Terra desenvolveu o pasado mércores no Espazo de Lecer de Manzaneda un obradoiro de compostaxe promovido polo Fondo Galego de Cooperación e Solidariedade, entidade da cal o Concello é socio. Dar a coñecer a alternativa da compostaxe como modelo de xestión dos refugallos económica, ecolóxica e socialmente sustentable era o obxectivo desta actividade de sensibilización na que se montou un composteiro, se proxectaron vídeos prácticos e se instalou unha exposición explicativa.

A materia orgánica supón preto do 50% dos residuos sólidos urbanos, de xeito que causa graves prexuízos ambientais ao tempo que se desaproveita un recurso valioso susceptible de empregarse como abono natural, substituíndo os fertilizantes químicos. Unha proposta de baixo custo especialmente interesante no rural.

Durante a sesión informativa e formativa tamén se analizaron de xeito crítico as problemáticas derivadas do actual modelo de xestión dos residuos e se puxeron de relevo as vantaxes da compostaxe. Trátase dun método sinxelo e barato, que reduce á metade a materia orgánica desbotada e, polo tanto, os seus efectos contaminantes e os custos do seu tratamento a nivel municipal. Pódese empregar como fertilizante, corrector da estrutura do chan, protector contra a erosión ou substrato de cultivo, evitando contaminar con agroquímicos.

Proxecto en Nicaragua
O Fondo Galego apoiou o ano pasado unha iniciativa promovida por Amigos da Terra en Nicaragua para impulsar a protección medioambiental de dúas reservas naturais no Golfo de Fonseca, un dos ecosistemas máis representativos de Centroamérica. O proxecto de cooperación internacional incluíu actividades formativas e de concienciación, amais da achega de equipamentos e a reforestación do mangleiro.

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información