Actualidade

O alcalde da Laracha, José Manuel López Varela, explica nesta entrevista cómo foi o proceso de incorporación do Concello ao Fondo Galego de Cooperación. A Administración local aposta pola solidariedade cos países do Sur, mesmo en tempos de crise.

continuar

– A Corporación acordou por unanimidade adherirse á asociación que concentra os esforzos de Concellos e Deputacións no eido da cooperación internacional

– O municipio poderá participar nas actividades impulsadas pola entidade e este ano cofinanciará proxectos en Cabo Verde, Nicaragua e Haití

Nos próximos quince días, a técnica de proxectos visitará sete municipios parceiros da asociación de Concellos e Deputacións en catro illas

O obxectivo é coñecer de primeira man o resultado das iniciativas cofinanciadas e detectar posibles sinerxías para o futuro

– As persoas seleccionadas colaborarán durante un mes en Nicaragua e Cabo Verde cos parceiros do Fondo Galego de Cooperación e Solidariedade

– As técnicas e técnicos pertencen á Deputación de Pontevedra e aos Concellos de Castrelo de Miño e Ourense

A Escola Superior de Arte Dramática de Galicia celebrará os días 6 e 7 de outubro o I Foro Internacional de Teatro Social, xurdido a partir do programa TeatrAcción que a ESAD e o Fondo Galego de Cooperación e Solidariedade veñen impulsando desde o ano 2008. A intención é culminar o encontro coa creación dunha Rede de Teatro Social.

Persoal do Fondo Galego participou hoxe no curso ‘Comunicación de éxito para os fondos de cooperación’ que organizou a Confederación de Fondos en Madrid. A encargada das relacións cos medios na asociación municipalista, Carmen Novas, e mais a responsable de prensa do Concello de Teo, Cruz Devesa, asistiron a esta actividade de 8 horas de duración, na que se prestou especial atención ás redes sociais e outras ferramentas 2.0.

O Fondo Galego de Cooperación e Solidariedade quere denunciar publicamente os ataques sufridos polo seu parceiro en Haití, o Centro para a Cultura e o Desenvolvemento de Carice (SKDK), e que segundo testemuños presenciais foron perpetrados por partidarios do partido oficialista INITÉ.

Pola presente comunícase a relación de persoas seleccionadas como titulares e suplentes para as catro prazas da edición de 2011 do programa Vacacións con Traballo, do Fondo Galego. A resolución tomouse na xuntanza da comisión avaliadora celebrada o 6 de maio na Illa de San Simón.

Os paneis deseñados por Pepe Carreiro destacan o papel das Administracións locais e provinciais na cooperación internacional para o desenvolvemento

Victòria Planas achéganos neste vídeo á situación de Haití e o proxecto que están a desenvolver na illa o Fondo Galego e o Fons Català de Cooperació al Desenvolupament. Trátase dun resumo audiovisual da conferencia que a técnica ofreceu en Ames o 28 de febreiro de 2011, pouco despois de regresar da viaxe de supervisión a terreo.