Aberta a inscrición no curso online ‘Localizando a Axenda 2030’

Aberta a inscrición no curso online ‘Localizando a Axenda 2030’

Aberta a inscrición no curso online ‘Localizando a Axenda 2030’ 886 1252 Fondo Galego de Cooperación e Solidariedade

O Fondo Galego de Cooperación e Solidariedade ten aberto ata o 22 de setembro o prazo de inscrición no curso online ‘Localizando a Axenda 2030: O papel clave dos municipios na consecución dos Obxectivos de Desenvolvemento Sostible’. A formación, para a que se ofertan 20 prazas, impartirase entre o 5 e o 31 de outubro na nova plataforma virtual da entidade.

O programa, de 40 horas de duración, estrutúrase en catro módulos semanais titorizados por persoas expertas na materia, como son a profesora e investigadora da UCM Natalia Millán, a técnica da Diputació de Barcelona Carla Cors ou o presidente da Fundación Musol, Rafael García Maties, amais do propio persoal do Fondo Galego. A orixe e contidos da Axenda 2030, a implementación dos ODS no eido local, a cooperación descentralizada ou as estratexias de comunicación e casos prácticos son os temas nos que se centrarán.

Cada módulo contará cun documento explicativo do tema, amais dun vídeo-resumo e materiais de apoio, e para superalo será preciso realizar tanto os traballos prácticos como a avaliación final. As persoas interesadas en inscribirse deberán completar este formulario e daráselle preferencia ao persoal das administracións socias do Fondo Galego, xa que o curso ten entre os seus obxectivos facilitar o cumprimento da Axenda 2030 nos concellos e deputacións. A matrícula é de balde, dado que esta actividade conta co financiamento da Xunta de Galicia.

    Este sitio web almacena cookies no seu computador. Estas cookies utilízanse para recompilar información sobre como interactúa co noso sitio web e permítenos lembralo. Utilizamos esta información para mellorar e personalizar a súa experiencia de navegación e para obter estatísticas e métricas sobre os nosos visitantes tanto neste sitio web como noutros medios. Para obter máis información sobre as cookies que utilizamos, pomos a disposición a nosa Política de cookies.
    Máis información